Así é como transcorre un día na vida dun can, pero non dun can calquera. Trátase dun can moi especial que pertence a unha raza mítica, lendaria e con moito prestixio, a de Palleiro. Este can é Duncan de Palleiro, o Príncipe das Corredoiras.

Duncan leva unha vida sinxela á beira do seu amo Aurelio e dos seus amigos, veciñas e rabaños de sempre nunha aldeiña ao abeiro do monte Espigo chamada Oubidos, da cal se sente moi fachendoso.

Duncan ama profundamente a todos os nenos e nenas, e alí onde vai leva consigo unha grandísima sorpresa que non deixará ninguén indiferente. Amizade, Ledicia e Liberdade son as palabras que máis lle gustan a Duncan de Palleiro.

 DUNCAN DE PALLEIRO

RARA AVIS

Paloma é un deses seres que cando camiñan parecen non tocar o chan. Coma se levase unhas ás invisibles adheridas ás suas costas que, ademais de alixerar o seu peso, a dotasen dun halo digamos que “diferente”.

É a través da empatía, a coraxe, a perseveranza e sobre todo do seu particular sentido do humor como Paloma logra reconciliarse co seu pasado, desfrutar do presente e propoñerse un futuro esperanzador.

Ela, coma ninguñén, é capaz de amosar que nunca é tarde para un novo comezo.
“RARA AVIS” fai honra a todas as criaturas excepcionais que buscan o seu lugar no mundo.

 Esta é a viaxe iniciática dunha Cabra Montesa chegada ao mundo nun lugar remoto rodeado de mar. Un bo día decide emigrar na procura dunha vida máis próspera e amable. Nina é independente, inconformista e impaciente. Tamén é algo descarada, sorprendente, fresca, fogosa, temeraria, insolente e insolvente per se. Non acerta a comprender o xeito en que se relaciona e desenvolve a nova veciñanza de dúas patas.

A pesar de todos os malogrados intentos de convivencia pacífica coa raza humana terminará por regresar á súa aprazable vida montesa despois de experimentar unha morea de extravagantes aventuras. A súa ousadía volvéuse unha Odisea digna de se compartir.

NINA Andanzas dunha Cabra Montesa

CACHOPO MÁXICO

“Diógenes” abarca o concepto de alma partindo do hedonismo, nun intento de desvelar a arte de vivir en liberdade fronte o materialismo e as aparencias. A proeza de fraguar o propio destino dende o libre albedrío.

Esta é a fabulosa historia dun cínico do século XXI en contra dun poder arrogante que insiste en desacreditar deliberadamente os valores existenciais coma fundamento para a compresión do mundo.